Për Agjencinë

Agjencia e Mbikëqyrjes së Sigurimeve (AMS) është themeluar në vitin 2009-të. Korniza ligjore për themelimin dhe funksionimin e Agjencisë është përshkruar në Ligjin е Mbikëqyrjes të Sigurimeve. Agjencia është një institucion publik, përgjegjës për rregullimin dhe mbikëqyrjen e tregut të sigurimeve dhe operatorëve që ushtrojnë aktivitetin e tyre në këtë sektor. AMS raporton në  Kuvendin e Republikës së Maqedonisë së Veriut për aktivitetin e saj.

Organi drejtues i Agjencisë është Këshilli i Ekspertëve i përbërë nga kryetari dhe 4(katër) anëtarë.

Përgjegjësitë ligjore të Agjencisë janë:  mbikëqyrja e shoqërive të sigurimeve, mbikëqyrja e shoqërive ndërmjetësuese në sigurim, mbikëqyrja e shoqërvie përfaqësuese në sigurim, ndërmjetësusesit në sigurime, përfaqësuesit në sigurim, personat juridikë që janë të lidhur me shoqëritë e sigurimeve, Byronë Kombëtare  të Sigurimeve, dhënien dhe marrjen e licencave për ushtrimin e veprimtarisë në sigurime, miratimeve dhe licencave, masa ndëshkuese mbikëqyrëse, miratimin e akteve nënligjore dhe propozim për sjellje të ligjeve, anëtarsim në shoqatat ndërkombëtare në fushën e sigurimeve, bashkëpunim me autoritetet e tjera mbikëqyrëse si dhe të nxisë zhvillimin e tregut të sigurimeve.

Në arritjen e qëllimeve për të cilat është krijuar, AMS-ja ka këto kompetenca ligjore:

• Vepron lidhur me kërkesat e paraqitura për marrjen e lejeve dhe pëlqimeve,
• Ofron mbikëqyrje ndaj shoqërive të sigurimeve, shoqërive të brokerimit në sigurime, shoqërive të përfaqësimit në sigurimeve, bankave që kryejnë veprimtari përfaqësimi në sigurime, mbikëqyrjen e brokerëve të sigurimeve dhe agjentëve apo përfaqësuesve të sigurimeve, personave juridikë të lidhur me shoqëritë e sigurimeve dhe Byrosë Kombëtare të Sigurimeve;
• Vepron lidhur me parashtresat e paraqitura nga personat e siguruar;
• Vendos masat e mbikëqyrjes në formën e urdhrave dhe vendimeve dhe në masën e fundit ka autoritetin të tërheqë pëlqimin dhe/ose lejen e dhënë;
• Miraton akte nënligjore për zbatimin e Ligjit për Mbikëqyrjen e Sigurimeve dhe propozon ndryshime të ligjeve në fushën e sigurimeve;
• Bashkëpunon me institucionet dhe organet përkatëse vendase dhe të huaja,
• Nxit zhvillimin e tregut të sigurimeve duke ndërgjegjësuar opinionin për rolin e sigurimeve dhe të mbikëqyrjes së sigurimeve, si dhe zhvillon veprimtari të edukimit financiar dhe përfshirjes financiare.

AMS-ja është anëtare e Shoqatës Ndërkombëtare të Mbikëqyrësve të Sigurimeve (IAIS) që nga viti 2009. IAIS është një institucion ndërkombëtar me mision promovimin e mbikëqyrjes globale efektive dhe të qëndrueshme, me synim zhvillimin e mëtejshëm të tregut global të sigurimeve, ruajtjen e tregut korrekt, të qëndrueshëm dhe transparent në dobi dhe mbrojtjen e të siguruarve dhe të kontribuojë në qëndrueshmërinë financiare.