Njoftime

Me qëllim të harmonizimit të mëtejshëm me legjislacionin e BE-së në fushën e sigurimit dhe rritjes së operacioneve të tregut, Ministria e Financave në bashkëpunim me Agjensinë për Mbikëqyrje të Sigurimeve dhe Fondacionin Ndërkombëtar Iberoamerikan në 21 muajt e fundit punoi në projektin e binjakëzimit me çrast më 17 nëntor 2017 realizoi ngjarjen përmbyllëse. Projektin e realizoi Drejtoria e Përgjithshme e Sigurimeve dhe Fondeve të Pensioneve të Mbretërisë së Spanjës.

Qëllimi kryesor i projektit është transponimi i Direktivës për themelimin dhe zhvillimin e veprimtarisë së biznesit për sigurim dhe risigurim – Solvencë II në legjislacionin e ri dhe aktet e reja nënligjore.

Tanimë e dimë se Direktiva Solvencë II solli risi dhe ndryshime për kompanitë e sigurimeve, sigurimet dhe përfituesit e sigurimeve njëkohësisht dhe paraqet ndryshimin më të rëndësishëm në industrinë e sigurimeve evropiane deri më sot. Këto ndryshime janë aq gjithpërfshirëse në mënyrë që ndikojnë në ndryshimin e modelit të biznesit të kompanive të sigurimeve në tërësi, si dhe në modelin e zbatimit të mbikëqyrjes i cili do të bazohet në rreziqe. Sinqerisht shpresoj se rezultati i projektit të binjakëzimit do të jetë udhëzues cilësor në reformat e parapara në tregun e sigurimeve, theksoi Klime Poposki, Kryetar i Këshillit të ekspertëve të Agjencisë për Mbikëqyrje të Sigurimeve, në ngjarjen përmbyllëse.

Në kuadër të ngjarjes përmbyllëse u zhvillua edhe një tryezë e rrumbullakët me temë “Implementimi i Solvencë II”, e cila u moderua nga z. Klime Poposki, pjesëmarrës ishin përfaqësues nga BE-ja, edhe atë:

• Havier Kastillo, Drejtoria e Përgjithshme e Sigurimeve dhe Fondeve të Pensioneve të Mbretërisë së Spanjës
• Petar Pjer Matek, Kryetar i Bordit Drejtues të HANFA, Kroaci
• Gordana Letica, anëtare e Bordit Drejtues të HANFA, Kroaci
• Nina Kollçakova, Sekretare e Përgjithshme e Shoqatës së Kompanive Bullgare të Sigurimeve, Bullgari, dhe
• BoshtjanVovk, Zëvendës Drejtor dhe Shef i Departamentit të Mbikëqyrjes në Agjencinë e Mbikëqyrjes së Sigurimeve të Sllovenisë.

Në kuadër të panelit, pjesëmarrësit paraqitën pikëpamjet e tyre mbi zbatimin e Direktivës së Solvencës II në vendet e tyre. Konkluzionet kryesore zhvilloheshin në drejtim që ky proces është kompleks dhe kërkon shumë angazhim dhe burime edhe për kompanitë e sigurimeve por edhe për autoritetet mbikëqyrëse.

Советот на експерти на Агенцијата за супервизија на осигурување, наседницата одржана на 27.10.2017 година, го усвои Извештајот на Комисијата заизбор на најдобар истражувачки труд одобласта на управување

Këshilli i ekspertëve të Agjencisë për Mbikëqyrje të Sigurimeve, në mbledhjen e mbajtur më 27.10.2017, miratoi raportin e Komisionit për përzgjedhjen e punimit më të mirë kërkimor në fushën e menaxhimit të rreziqeve dhe sigurimit në Republikën e Maqedonisë për vitin 2017, me çrast punimin e Angella Blazheska – “Analiza e ndikimit të rrezikut operacional në suksesin e biznesit të kompanive për sigurimin e jo-jetës në Republikën e Maqedonisë,” e shpalli fitues të Konkursit për përzgjedhjen më të mirë të punimit kërkimor në fushën e menaxhimit të rreziqeve dhe sigurimit në Republikën e Maqedonisë për vitin 2017. Fituesi Angella Blazheska, punimin e saj e prezantoi më 7 nëntor 2017 para përfaqësuesve të kompanive të sigurimeve në Agjencinë e Mbikëqyrjes së Sigurimeve.

Ky punim paraqet një hulumtim empirik të efikasitetit të kompanive të sigurimit në Republikën e Maqedonisë në fushën e sigurimit të jo-jetës, duke e shqyrtuar pesë kompani të cilat mbulojnë pjesën më të madhe të tregut të sigurimeve në Republikën e Maqedonisë. Duke shfrytëzuar analizën komplekse sasiore, kemi për qëllim të shqyrtojmë gjendjen e treguesve të suksesit në vijim: premitë e polisuara bruto si burim dominant i të ardhurave, ndikimin që e ka mbi të, numri i polisave të sigurimit, mbi dëmet e likuiduara dhe shpenzimet operative.

Ky punim, metodologjikisht është konzistent dhe përmban një analizë sasiore, sidomos në modelet VAR si modele inovative në kontrollimin e bashkintegrimit të variablave, të krahasuar me hulumtime të huaja bashkëkohore përkatëse empirike, dhe i njëjti paraqet një bazë të gjenerimit të gjetjeve individuale për kompanitë e përzgjedhura dhe konkluzione të përgjithshme për të njëjtat. Rreziku operacional për kompanitë është një nga faktorët kyç që ndikojnë në suksesin e biznesit të kompanive të Maqedonisë, dhe të cilave, veçanërisht në aspektin e shpenzimeve operative, kompanitë nuk i kushtojnë vëmendjen e duhur dhe përmirësimin e proceseve të brendshme.

.

Ky punim, në këtë kontekst, ka vlerë të shtuar për tregun e sigurimeve dhe i njëjti është i dobishëm duke pasur parasysh gjetjet sasiore, që duhet të përdoren në punën e kompanive, por me një ndikim të kufizuar. Punimi është i orientuar kryesisht drejt analizës sasiore të rrezikut operacional dhe në të ka hapësirë shtesë për analizë të thellë të performancës së përgjithshme të kompanive dhe nevojës për një analizë më të hollësishme cilësore të rrezikut operacional dhe faktorëve të tij.

Punimi i autorit

Prezantimi

KONKURS PËR FËMIJË DHE TË RINJ ME RASTIN E DITËS BOTËRORE TË KURSIMIT – 31 TETOR 2017

BANKA POPULLORE E REPUBLIKËS SË MAQEDONISË, MINISTRIA E FINANSAVE DHE AGJENCIA E MBIKËQYRJES SË SIGURIMEVE

SHPALLIN

KONKURS PËR FËMIJË DHE TË RINJ TË ARSIMIT FILLORE DHE TË MESËM.

EJANI TË FESTOJMË DITËN BOTËRORE TË KURSIMIT – 31 TETOR DUKE PIKTURUAR DHE DUKE SHKRUAR VJERSHA:

KATEGORIA E PARË ME TEMË:

KURSIM – “EDHE UNË MUND TË KURSEJ”

KATEGORIA E DYTË ME TEMË:

SIGURIM– “ÇKA PARAQET PËR MUA SIGURIMI I SHTËPISË DHE FAMILJES”

– Nxënësit e arsimit fillor, në konkurs duhet të dërgojnë vepër letrare dhe/apo artistike-poezipër njërën apo për të dy temat e dhëna. – Nxënësit e arsimit të mesëm, në konkurs duhet të dërgojnë vepër letrare dhe/apo artistike-poezi për njërën apo për të dy temat e dhëna.

më tepër…

Me qëllim për të stimuluar zhvillimin e mendimit shkencor dhe përgaditjen e kërkimeve studimore në fushën e menaxhimit të rrezikut dhe të sigurimit në Republikën e Maqedonisë, si dhe afirminin e profesionistëve të rinj, Agjencia për mbikëqyrjen e sigurimeve do të jep çmim vjetor në vitin 2017 për kërkim studimor në fushën e menaxhimit të rrezikut dhe të sigurimit në Republikën e Maqedonisë.

Çmimi vjetor i Agjencisë për mbikëqyrjen e sigurimeve është në vlerë prej 80.000,00 denarë.

Në kërkimin studimor është i patjetërsueshëm shqyrtimi i ekonomisë së Republikes se Maqedonisë me temë adukuate. Kërkimi studimor nuk duhet të tejkalojë 15.000 fjalë (pa abstrakte, bibliografia dhe anekset) si dhe është rekomanduese që të ketë strukturë standarte të kërkimit studimor, e cila si bazë i përmban pjesët më poshtë:

– Abstraktet;

– Shqyrtimin e literaturës së konsultuar nga fusha e cila hulumtohet;

– Përshkrimin e metodave të kërkimit të përdorura në punën kërkimore;

– Analiza;

– Përceptimet përmbyllëse;

– Bibliografia.

PDF

Agjencia e Mbikëqyrjes së Sigurimeve (AMS)  dhe Këshilli i Sigurisë Kombëtare në komunikacionin rrugor (KSKKRR)  sot kanë nënshkruar memorandum të partneritetit dhe bashkëpunimit dhe veprimit të përbashkët.

Subjekt i bashkëpunimit do të jetë realizimi i aktiviteteve për promovimin e kulturës financiare në fushën e sigurimeve, zbatimi i aktiviteteve për të përmirësuar sigurinë e trafikut rrugor, aktivitete për të zvogëluar numrin e vdekjeve dhe viktima në aksidentet e trafikut, edukimit dhe njohurive financiare qytetarëve rreth të drejtave dhe detyrimeve të tyre në sigurim dhe në trafik.

Kryetari i Këshilli i Sigurisë Kombëtare në komunikacionin rrugor  Mr. Stojçe Stamenkovski deklaroi se në bazë të memorandumit bashkëpunimit të sotëm në mes (KSKKRR) dhe (AMS) në të ardhmen do të realizohen  aktivitete të përbashkëta për të rritur sigurinë e trafikut rrugor duke zvogëluar numrin e automjeteve të paregjistruara, aktivitete për të rritur ndërgjegjësimin e publikut në lidhje me përparësitë dhe përfitimet e sigurimit të automjeteve , njohuritë finaciare për pjesëmarrësit në trafik për policën e sigurimit të autopërgjegjësisë, raportimin e dëmeve në rast të ndodhjes së një ngjarje të dëmshme, të drejtat dhe detyrimet e kartonit të gjelbërt, të drejtat dhe detyrimet e proçesverbalit evropian dhe shumë aktivitete të tjera.

Kryetari i këshillit të ekspertëve të Agjencisë për Mbikëqyrjes së Sigurimeve Dr. Klime Poposki deklaroi se (AMS) dhe (KSKKRR)    kanë ushtruar një nivel të lartë të bashkëpunimit, mirëpo nënshkrimi i memorandumit do të thotë një hap drejt përmirësimit të bashkëpunimit ndërmjet dy organeve, shkëmbimi i përvojave në vazhdimësi , këshilla dhe informata në lidhje me praktikat pozitive të përdorura dhe të cilat mund të aplikohet dhe me të vetmin qëllim të edukimit dhe mbrojtjes së jetës dhe shëndetit të qytetarëve dhe për të mbrojtur të drejtat e tyre.