Соопштенија

Имајќи предвид дека еден од главните приоритети на Агенцијата за супервизија на осигурување е зајакнување на соработката со други регулаторни тела и други надлежни институции склучен е Меморандум за соработка со Управата за јавни приходи во Република Македонија.

Со овој Меморандум се уредува меѓусебната соработка на Агенцијата за супервизија на осигурување (АСО) и Управата за јавни приходи (УЈП) поврзана со размена и употреба на информации, податоци и размена на искуства. Меморандумот не подразбира почеток на соработка помеѓу институциите, напротив претставува официјална основа на нашата досегашна добра соработка и воедно овозможува продлабочување на соработката и отворање на нови можности и корист за двете институции.

Агенцијата за супервизија на осигурување на 13.9.2015 година, со почеток во 12ч, во своите простории, одржа прес конференција, на тема Остварувањата во осигурителниот сектор во првата половина на 2015 година и проекциите за тековната година.

Пред претставниците од медиумите се обратија г. Климе Попоски, претседател на Советот на експерти на Агенцијата за супервизија на осигурување и г. Зоран Стојановски, извршен член на Советот на експерти.

За повеќе информации кликнете тука.

Агенцијата за супервизија на осигурување ги известува сите кандидати дека Обуката за застапници во осигурување односно осигурителни брокери ќе се одржи во просториите на Европски Универзитет, на следната локација:

Бул. Климент Охридски 68 – Скопје

• Распоред на предавања за застапници на осигурување;
• Распоред на предавања за осигурителни брокери.

Агенцијата за супервизија на осигурување организира еднодневна конференција насловена „Предизвици и трендови на глобалната осигурителна индустрија и нивното влијание на осигурителната индустрија во Македонија“.

На конференцијата се поканети истакнати гости предавачи, претставници од регулаторни тела, осигурителната индустрија и академската заедница, кои пред  домашна јавност ќе ги пренесат своите гледишта  за глобалните трендови во осигурителната индустрија и предизвиците со кои се соочуваат (во прилог агенда за конференцијата).

Конференцијата ќе се одржи на 11 септември 2015 година со почеток во 9.30 часот, во хотелот „Александар Палас“, Скопје.

Работен јазик на конференцијата ќе биде англискиот јазик, а ќе биде обезбеден симултан превод на македонски јазик.

Прилог: АГЕНДА

Агенцијата за супервизија на осигурување ја информира јавноста дека ќе организира обука за вршење работи на застапување во осигурување и обука за вршење осигурително брокерски работи.

Обуката за вршење работи на застапување во осигурување во времетраење од 4 дена (вкупно 18 наставни часа) ќе се спроведе во периодот 17, 18, 19 и 26 Септември 2015 година а обуката за вршење осигурително брокерски работи во времетраење од 5 дена (вкупно 27 наставни часа) ќе се спроведе во периодот 17, 18, 19, 25 и 26 Септември 2015 година. Точните термини и деталниот распоред на предавањата во рамки на обуките ќе биде објавен на интернет страницата на Агенцијата за супервизија на осигурување пред отпочнување на обуките.

Во рок од најмалку 15 дена од денот на завршување на обуките, Агенцијата ќе спроведе стручен испит за вршење работи на застапување во осигурување односно осигурително брокерски работи. Точниот термин за полагање на стручниот испит за вршење работи на застапување во осигурување односно стручниот испит за вршење осигурително брокерски работи ќе биде објавен на интернет страницата на Агенцијата за супервизија на осигурување најмалку во рок од 3 дена пред одржување на стручниот испит.

• Соопштение за спроведување на обука и стручен испит за вршење работи на застапување во осигурување и обука и стручен испит за вршење осигурително брокерски работи..
• Пријава/ барање за учество на обука и полагање на стручен испит за застапник
• Пријава/ барање за учество на обука и полагање на стручен испит за брокер

Известување за термини за полагање на стручен испит за вршење работи на застапување во осигурување и осигурително брокерски работи

Агенцијата за супервизија на осигурување ги известува лицата кои учествувале на обуката за вршење работи на застапување во осигурување и осигурително брокерски работи спроведена во април 2015 година, а кои нема да го положат стручниот испит за вршење работи на застапување во осигурување односно осигурително брокерски работи со првото полагање (теоретски и практичен дел), дека согласно членот 13 став (4) од Правилникот за начинот и постапката за спроведување на стручен испит за вршење работи на застапување во осигурување (“Службен весник на РМ” бр. 118/2014) и Правилникот за начинот и постапката за спроведување на стручен испит за вршење осигурително брокерски работи (“Службен весник на РМ” бр. 118/2014) имаат можност за уште две повторни полагања на стручниот испит и тоа во следните термини:

• Второ полагање на стручен испит за вршење на работи на застапување во осигурување и стручен испит за вршење на осигурително брокерски работи

1. 1. прв (теоретски ) дел 25.6.2015 година
2. 2. втор дел (практичен пример) 10.7.2015 година

• Трето полагање на стручен испит за вршење на работи на застапување во осигурување и стручен испит за вршење на осигурително брокерски работи

1. 1. прв дел – (теоретски  дел) 31.8.2015 година
2. 2. втор дел – (практичен пример)     14.9.2015 година

За точното време на одржување на стручниот испит во рамки на горенаведените термини, лицата ќе бидат дополнително известени.

Агенцијата за супервизија на осигурување ги известува кандидатите кои го положиле стручниот испит за вршење на работи на застапување во осигурување/ осигурително брокерски работи – теоретски дел одржан на ден 26.5.2015 година, дека стручниот испит за вршење на работи на застапување во осигурување/ осигурително брокерски работи – практичен дел ќе се одржи на ден 23.6.2015 (вторник) година од 10:00 до 12:00 часот.

К   О   Н   К   У   Р   С

за годишна награда за млади истражувачи за најдобар труд од областа на управување со ризици и осигурување во Република Македонија за 2015 година

Со цел стимулирање на развојот на научната мисла и изработка на трудови од областа на управување со ризици и осигурување во Република Македонија, како и афирмација на млади и стручни кадри, Агенцијата за супервизија на осигурување доделува годишна награда за 2015 година за истражувачки труд од областа на управување со ризици и осигурување во Република Македонија.
Годишната награда на Агенцијата за супервизија на осигурување изнесува 80.000,00 денари.
Трудот задолжително треба да содржи и осврт кон македонската економија на соодветната тема. Трудот не смее да надминува 15.000 зборови (без апстракт, библиографија и анекси) и препорачливо е да има стандардна структура на научно истражување кое ги содржи следните основни делови:

– апстракт;
– осврт на консултираната литература од областа која се истражува;
– опис на методите на истражување кои се користат во трудот;
– анализа;
– заклучни согледувања и
– библиографија.

 повеќе..

Агенцијата за супервизија на осигурување ги известува сите пријавени кандидати за обука за застапници во осигурување односно осигурителни брокери, дека обуката ќе се одржи во просториите на Европски Универзитет. 

Распоредот за обуката за застапници во осигурување можете да ја симнете тука.
Распоредот за осигурителни брокери можете да ја симнете тука.